Noukta#074

سولو واحد المبوق: شنو اللي حسن؟ الشمش أولا القمر؟
قال ليهم: القمر طبعا
سولوه علاش
قال ليهم حيت القمر كيضوي لينا الدنيا بالليل ملي كاين الضلام، أما الشمش كتجي بالنهار ملي الدنيا مضوية أصلا

Noukta#073

واحد سول صاحبو مبوق: خوتك أشنو سميتهم؟
قال ليه المبوق: كلهم سميتهم محمد، إلا عبد الله سميتو أحمد

Noukta#072

هادا واحد ديما كيكمي جوج كاروات
واحد النهار سولو صاحبو: علاش ديما كتكمي جوج كاروات؟
قال ليه لاخور: واحد كارو ديالي، وواحد ديال خويا اللي ف الحبس
واحد النهار هاداك السيد بان ليه الكماي كيكمي غير كارو واحد
وهو يسولو: صفي خرج خوك من الحبس وما بقيتيش كتكمي ليه؟
قال ليه الكماي: لا، غير أنا اللي ما بقيتش كنكمي

Noukta#071

مبوق تضارب مع واحد الشارف وناض كعى عليه مزيان
الغد ليه مشى المبوق للمقبرة وعلق فيها التصويرة ديال الشارف مكتوب تحت منها: انتظروه قريبا

Noukta#070

بوجمعة حل واحد القهوة جديدة و كتب فوقها
BMC
جا لعندو المراقب قال ليه : علاش سميتها
BMC
:  جاوبو بوجمعة
B بوجمعة
M مول
C كافي
يعني بوجمعة مول الكافي
و هو يقول ليه المراقب : ولكن هاد السمية راها ديال البنكة، وإيلا ما بدلتيهاش من هنا ل 3 ايام، غادي ندخلوك لحبس
ملي دازت 3 ايام رجع عندو المراقب و لقاه زاد لها
MMB
ولات
BMCMMB
و هو يسول بوجمعة: اش كتعني دابا ديك السمية؟
جاوبو بوجمعة : بوجمعة مول الكافي...ماشي مول البنكة

Noukta#069

واحد تلقى ليه شفار وقال ليه : ارا التلفون ديالك
قال ليه لاخر : قيد عندك 066

Noukta#068

واحد مشى لأوطيل (فندق) وسولوهم: بشحال ليلة ف بيت كيطل على البحر؟
قالوا ليه: 600 درهم
قال ليهوم خينا: وبشحال غادي تخليوها ليا إيلا حلفت ليكوم بالله ما نطل من الشرجم؟